C215 artista Baiona Ttipira itzuliko da Points de vue festibalaren 9. ediziora, irudi eta txantiloi bidez istorio berriak kontatzeko. 2017an etorri zen, hemen Jules-Labat karrikan. © Spacejunk 

Kultura

Points de vue festibala: Bonnat-Helleu museoak babestutako edizioa

Urriaren 1etik 19ra, Hazparne, Ziburu eta gero Baionan, Points de vue festibalak sorkuntzen kontserbazioa, transmisioa eta gizarte espazioan balioan ezartzea aztertuko ditu, Bonnat-Helleu museoak babesturik.

Data honetan argitaratua

Bereziki Baionan, festibalak Bonnat-Helleu museoko bildumak eta aitzineko edizioetako lanak elkarrizketan ezarriko ditu, honako galdera eginez: arte urbanek, zeruko museo bat osatzen dute?

2017ko lehen edizioan jadanik presente zegoen C215 txantiloigileak zazpi fresko izenpetuko ditu Baiona ttipian, Léon Bonnat-en erretratuetan inspiraturik. Beste artista batzuek iraganaren, orainaren eta etorkizunaren arteko lotura aztertuko dute: Refreshink, mosaiko antzinakoak eta grafiti garaikideak uztartzen dituena; Mioshe, gizakiaren, hiriko espazioaren eta naturaren arteko harremana marrazten duena; eta Nadège Dauvergne, hirian fauna basatiaren lekua lantzen duena, Bonnat-Helleu museoko bildumak gizarte espazioan biziaraziko dituzte.

Penique Production, bere instalazio monumentalen bidez eraikinen barnealdea esperientzia eta aldi bateko espazio bihurtzen duena; Monkeybird, mundu surrealista eta liluragarri bat eskaintzen duena; eta Spidertag, street art berritzailearekin neon malguak erabiliz, « ikerketa-ekintza » guneetan lanen desagerpena aztertuko dute.

Obra artistikoez gain, Kaxu galeriak bultzatutako tailerretan, bisita komentatuetan eta besta giroan ere  publikoak artistekin topo egiten ahalko du. Horrela, festibala, elkartrukerako eta hausnarketarako gune gisa finkatzen da: zer gorde, zer transmititu, zer utzi desagertzen?

  • Kontsultatu Points de vue 2025 festibalaren aurkezpena

Informazioa > communaute-paysbasque.fr