Securitàt Prebencioû
MICCION IMPOSSIBLA
Que deuré estar la mendre de las causas mes uns hestaires que se’n veden enqüèra entà s’arretiéner lo pish malurós au còr de las Hèstas. Arron aver fòrt aumentat lo nombre de comuns, la Vila qu'a aviat ua campanha contra las miccions sauvatjas, qui apèra au respècte deus abitants e de las hèstas e qui avisa qu'un còp passat la prevencion, arriba la repression, plan solide. Los policièrs municipaus que pòden d'ara enlà sancionar aqueths agís dab ua esmenda de 135€. En medish temps, los estanquets, los restaurants e los aròus qu'an de’s guaitar los comuns accessibles pr’amor deu dret d'apitar taulèrs per las carrèras. Atau, ne i a pas mei nada desencusa.
Que respècti l’environament
NUMÈROS UTILES
ARRETROBATZ TOTA L'INFO DE LAS HÈSTAS SUS L'APLICACION BAYONNE MA VILLE
URGÉNCIA PC SECURITAT
(POLÍCIA) : 05 59 59 75 52
AGRESSIONS SEXISTAS
Violéncias Hemnas Info : 3919
LIEUX REFUGES
Establiments que perpausan un acès pendent las hèstas en amuishant un panèu o un drapèu. Que balhan atau lo mejan de securizar lo monde qui's sentishen miaçats e de har segon protocòles definits en cas d'urgéncia.
Qu’avisi los secors se hèi besonh
DE TRÒP PINTAR, QU'ES ABUSAR
L'alcoòl qu'es ua dròga e per estar legau, que pòt totun representar un dangièr de crànher entà la santat.
Un suberconsum que mia a riscs entà l'organisme e los agís inapropriats que son ua auta miaça entà si medish o los auts. L'abús d'alcoòl o la mescla dab autas drògas qu'es un subjècte vertadèr entà l'equipa deu Caarud (Centre d'arcuelh e d'acompanhament a la redusida deus riscs entaus usatgèrs de drògas) qui tien dus taulèrs de sensibilizacion a las dependéncias, au ras de l'universitat de Baiona e a l'aira d'arcuelh de Mosseròlas pendent los dus permèrs jorns de hèsta. L'equipa deu Caarud que liga prevencion, redusida deus riscs e suenhs. Dens l'encastre de las Hèstas, que tien per fòrt seriós un agís ocasionau e hestiu qui ne deu pas estar capleugèr.
Ne possi pas aus consums excessius
ALCOÒLS, DRÒGAS
QUE CAU HAR ?
- PAUSADERS
Obèrts cada jorn
de 23h a 4h, Plaça Gambetta
e Jardin Public
- ETILOTÈSTS PARCATGES
Aus parcatges qui bordejan la vila, au pòst de secors Albèrt 1èr, au Punt info Hèstas o a l'aira d'arcuelh de Mosseròlas, 25 000 etilotèsts qu'espèran los hestaires. Per estar màgerment securizats los parcatges, que hèi hrèita, en cas d'avís negatiu o de tèst positiu, de’s pausar dens l’auto meilèu que de’s riscar aus dangièrs de la rota o a la sancion de las fòrças de polícia.
Parcatges pertocats : Centre comerciau Ametzondo, Leclerc Baiona Nòrd, parcatges exteriors Camps de Hèira, Lautrèc, Pòrta d'Espanha e que son presents aus punts prevencion de las hèstas.
- CAP’HÈSTAS
Lo o la qui mia ne beu pas. Entà l'encoratjar au briu de las Hèstas, estanquets, aròus o restaurants que’s ligan dab la Vila en l'operacion cap’hèstas. Lo o la “capitani de serada”, lo o la qui deu miar, que’s pòt anar cuélher un braçalet cap’hèstas au Punt info Hèstas qui’s tròba arrua Verneda, cap a la Mairetat, sus presentacion deu permís de miar e beneficiar atau d'ua bevenda non alcoolizada a gratís aus establiments aliats.
Que'm pausi abans de m’encaminar.
SE N’ES PAS ÒC, B’ES NON !
Baiona que refusa las violéncias sexistas, hèitas a ua persona pr'amor deu son sèxe o de la soa orientacion sexuau. Que cau que siin respectuosas e conviviaus las relacions au cors de las hèstas. Lo taulèr d'arcuelh e de prevencion Maina que s'emplaça tot lo long de las Hèstas au còr deu Petit Baiona, pròche lo taulèr de secors deu Campus de la Niva. Que i son asseguradas las permanéncias de 16h a 21h .
Que m’emplegui cap a tot agís violent e sexista
VIOLÉNCIAS SEXISTAS, QUE CAU HAR ?
TROBAR AJUDA
En un establiment dab lo logo "Lieu refuge" qui amassa : Los aròus qui perpausan lo protocòle Safe Toki. Los establiments equipats deu dispositiu Angela.
EN CAS D'AGRESSION SEXISTA
AU CORS DE LAS HÈSTAS
- Escotatz çò qui a patit la victima, shens destecar tot, rasseguratz-la.
Que la pòt har besonh de’s pausar un momentòt.
- Entà portar lo clam, soar l'Associacion Ciutadanetat-Justícia País Basco (06 23 62 05 89).
Qu'asseguran ua permanéncia au comissariat, tot lo long de las Hèstas de 9h a 17h.
EN CAS DE FORÇAMENT PENDENT LAS HÈSTAS O DE SUSPICION DE VIÒL, SOAR :
- L'espitau : 05 59 44 35 35 (Unitat de victimologia UVIE, e las urgéncias ginecologicas). Que’s pòt portar lo clam dirèctament dens l'encastre deu protocòle Viòl.
- Lo 15 (mètge regulator) dens l'encastre deu Protocòle Viòl (prelhevaments, despistatge…).
- Urgéncia PC securitat (polícia) : 05 59 59 75 52 o acompanhar la victima au pòst de secors de Glain.
Que me’n dau entaus auts